ممكن تقبل التنمر على ياسمين عبد العزيز؟.. رد صادم من أحمد العوضي

تحدث الفنان أحمد العوضي، عن الانتقادات التي توجه له على مواقع السوشيال ميديا، وكيف يتعامل معها، وهذا في تصريحات تلفزيونية.

وقال أحمد: مش بزعل من الانتقادات خالص، بشوف من حق أي حد يقول أي حاجة، وأنا مش برد.

وتابع العوضي: الجمهور له يقول أي حاجة ده حقه، أنا بعرض منتج حقك تقول اللي أنت عاوزه، ولو حد شتمني مش برد، يبقى أنا مقصر في حق حاجة.
وأوضح: وهو مش بيحبني علشانها، ليه أشتم واحد ما أعرفوش هل دي رجولة؟.

وأضاف: عاوز تشتمني اشتمني براحتك أنت تعرفني، لكن أنا لأ، وأنا أقسم بالله مش بزعل حقه ما يحبنيش هو الحب بالعافية، هو لازم كله يحبني.

وأشار إلى أنا ممكن أكون عاوز اللي ما يحبنيش يحبني، ومش هقعد أرد على الناس ده مش صح، وبعتز بحب الناس ليا في الشارع.

ووجهت له المذيعة سؤال عن حال إذا كانت هذه الانتقادات التي توجه له تحمل تنمرًا على زوجته النحمة ياسمين عبد العزير هل يقبل، ليرد عليها قائلا: ياسمين من أهل بيتي.